Luciana Bertapelle

La xé la nostra regista, scenografa e costumista. la xé quela che varda quali comedie podaria andar mejo par noialtri. Luciana riesse a tirar fora dai saltafossi el mejo... "gracidio". Menco male che ghe xé la Luciana, senò le rane le se disperdaria in giro pal fosso!

Katia Baldisseri

Intela comedia La cara salma la fa Jole, la "dolce" mogliettina del Battista, el nevodo arrivista! La ga xà fatto altre comedie: Se no i xe matti, no i volemo (2005-06); Quanta fatica per fare un figlio (2007); Se non ghe fusse zia Teresa (2008). Katia xé el contabile. Se non ghe fusse ela, le rane non podaria contare tutti i successi! :-P

Enrico Matteazzi

El fa l'attore e anca el VEB-master. Enrico xé un rospo che ghe piaxe mettere a posto tutte le informazion sula compagnia, ma più che altro el pastrocia su col computer. Lo gavemo visto nele comedie de Gino Rocca: Se no i xe matti, no i volemo (2005-06), La scorsetta de limon(2007) e L'imbriago de sesto (2007). Nel 2008 el gà recità anca in: Se non ghe fusse zia Teresa el faxeva 'na parte... diversa! In La cara salma l'è el Battista! Se non ghe fusse lu... beh, non ghe saria gnanca el sito!!! :-D

Renato Pozza

Insieme al rospo Flavio, Renato xé uno dei do attori-artigiani. Lo gavemo visto nel 2008 in Se non ghe fusse zia Teresa. Ne La cara salma fa l'onorevole Miranda, che 'l viaja sempre con la Panda! I panneli ca vedì li gà progettà lu! Quindi se non ghe fusse Renato... cascaria el palco!

Flavio Librellotto

L'è uno dei ultimi 'rivà nel fosso. Flavio se rangia a far tutto. Attore e falegname, col Renato gà progettà e imbastio la scenografia che vedì nei spetacoli: 'na opera de alta ingenieria e profesionalità, 'na monada da montare e ancora pi' veloce da smontare. Par cui, se non ghe fusse Flavio oltre al palco cascaria anca le quinte!

Mariateresa Costa

La Mariateresa xé rivà da poco nel nostro stagno, ma xé xà drio farne notare par la so' recitazion semplice e... provocante! In La cara salma la fa la Barbara, la cugina del Battista: l'altra nevoda che pensa solo alla moda! Se non ghe fusse l'allegria dela Mariateresa, recitare non saria gnanca belo.

Elisa Garbuio

La Elisa la xé la ranetta più piccola del fosso. La ne porta in giro pal mondo col so' furgon. Manco male che ghe xé ela, senò le rane no le podaria gnanca saltare de qua e de là! Elisa gà recita in: Se no i xe matti, no i volemo (2006) e in Quanta fatica per fare un figlio (2007). Nel 2008 faxeva la dottoressa in Se non ghe fusse zia Teresa.

Chiara Passaggi

La Chiaretta xé 'na attrice-ranocchia fortissima. la gà xà recità in tante comedie: Se no i xe matti, no i volemo (2005-06); L'imbriago de sesto (2007); La scorseta de limon (2007); Quanta fatica per fare un figlio (2007); Se non ghe fusse zia Teresa (2008). La gà na grande professionalità artistica e la so' simpatia la mette el sale sule comedie dei Saltafossi. Se non la ghe fusse, saria tutto dissavìo.

Patrizia Costantini

la Ptrizia xé la presidente dell'Associazione Culturale Teatrale I Saltafossi. La gà recità in: Se no i xe mati no i volemo(2005-06) e Quanta fatica per fare un figlio (2007). Bravissima in te la parte dela serva intrigante, ne La cara salma la fa Costante. Essendo el presidente, la Patrizia xé el pilastro portante dela compagnia. Senza de ela, non ghe saria gnanca i Saltafossi.

Da noialtri non ghe xé difarenza tra rospi e raganelle. Tutti podemo dare qualcosa e nessuni nasse imparà. Per cui se el teatro te piaxe e te vorrissi tanto recitare, fate corajo e ciama i Saltafossi! E varda che recitare xé come tuffarse in tel'acqua fresca de un fosso: subito fa un poco paura, ma dopo, quando che se ciapa l'acqua, non se vole più 'ndar fora! :-D